Featured Posts

  • Prev
  • Next

Welcome to the Love Story Blog of Love-Sessions.

Do you have a special love story? Actually every love story is great. How does it begin, what did it take, who was involved and how did it end if it ended.

Hollywood's best movies are love stories! We are eager to read yours or maybe you are just eager to read others.  Maybe one of the producers of Hollywood is reading your story and what a story that would be!

Enjoy our site and we look forward to receive your story!

What i feel till now

Posted on : 22-01-2012 | By : Love Story Writer ... | In : Lost and Love, Romance Love Story

Tags:

0

Insan jaane anjaane naa jaane kitni galtiya kar jata hai jiska usse khud bhi pata nahi hota. Kabhi bahi zindgi humey aaise lesson padha jati hai jinke baare me humne kabhi sapne me bhi socha nahi hota. Aaisi galtiya kuch aisi chap chod jati hain jo kabhi mit nahi sakti aur shayad kabhi kabhi to zindgi hi ban jaati hai. Maine bhi ek aisi hi galti ki, aur sach kahu to ho gayi. Mujhe pyar ho gaya. Bachpan se ache sanskar mile, acha parivar mila, ache maa-baap mile aur ache logo ke beech raha. Main humesha pyar baatne ki sochta rahta. Shyad esliye kyunki mujhe yahi sikhaya gaya tha. Main kbhi aazad nahi tha. Par, meri zindgi me bhi aazadi aayi. Aaisi aazadi, jisne meri zindgi ke lakshay hi badal diya. Mujhe aaj bhi yaad hai, mujhe apni puri life me pehli baar khud ka mobile phone mila, hostel me rehne ki permission mili aur mila dher sara pyar, sabse. Par achanak, na jaane kyu main negative energy ki taraf khichta chala gaya. Life me pehli baar kisi ladki se baat karne ki himmat aa gayi thi mujhme. Meri ummar ke sath ye hona swabhavik hai par mere sath kuch jyada hua. Main dhere dhere kisi bhi ladki se baat karne ko utawala hota gaya. Par maine apni padhayi pe bhi dhyan rakha. Fir ek din mujhe vo ladki dhiki jis se mujhe apni khwaish puri karne ka mauka mila. Vo humare pados me rahti thi. Bohot hi pyari, muhje se height me choti par dil me bohot badi. Aisi ladki jisse ek din meri life me aana tha aur mujhe dher sari khushiya dena tha. Bas yahi galti ho gayi mujhse. Maine us se baat ki aur dhoke se uske phone se apne phone par miscall kar di aur es tarah mujhe uska number mil gay. Maine theek teen din baad apne hostel se usko phone kiya. Vo aise pretend kar rahi thi jaise mujhe jaanti hi na ho. Dhere dhere ye baate dosti me badal gayi. Muhje vo achi lagne lagi. Aur ek din maine us se propose kar diya. Usne pahle to mana kar diya par main jaan gaya tha k vo bhi mujhe pasand karne lagi hai. Aur kuch din baad ek raat ko phone par baat karte waqt usne ye accept bhi kar liya. Bas phir kya tha, hum dono aasman me udte aazad panchiyo ki tarah apni khud ki banayi duniya me udne lage. Mere pyar me shayad abhi vo sachayi nahi thi jo ki honi chahiye thi, par haan kuch to tha jo mujhe us se dur nahi hone deta tha. Humari ladai bhi hoti thi, par hum bhi bol padte. Pura din ek duse k contact me rehna, der raat tak phone par baate karna aur apni shadi ki baare me sochna aur ek duse ko batana aur khush hona. Fir ek din aaya jab hum ek dusre ke bohot karib aaye. Main usko dekna chata tha aur pyar karna chahta tha aur shayad vo bhi. Maine usko apne ghar bulaya jab mere parents meri nani ki pass punjab gaye huye the. Aur kaise taise vo mere ghar aayi. Jab vo mere ghar k aander aayi main to jaise ghabra sa gaya. Usko apna ghar dikhaya fir apne bed par apne saath bithaya. Vo meri god me sir rakh ke let gayi. Fir usne mujhe kiss karne ki koshish ki. Main mana ni kar paya. Par achanak jaise aag lag gayi. Usne mujhe phir se kiss kiya aur hat gayi. Ab maine kiss kiya aur hum dono paglo ki tarah ek dusre ko chumne lage. Vo mere upar letkar mujhe chumne lagi aur bas hum pagal ho gaye. Vo meri jindgi ki pehli smooch thi aur pehli ladki. Ab to main aazad ho gaya tha. Maine usko apne ghar fir bulaya. Vo mere ghar do baar aur aayi aur humne fir smooch kari. Fir hum ek mandir me milne lage. Achanak mera pyar hawas me badlne laga par meri uske sath dil se attachment ho gayi thi. Main ab uske sath rehna chahta tha, kaise bhi aur kahi bhi. Hum do-teen baar ek restaurant me bhi mile. Par humare bich me kabhi bhi sex nahi huya. Hum dono hi virgin the aur aaj bhi hain. Hum roz raat ko bhagwan ka naam lekar phone kata karte the. Aisa teen saal chala. Year 2010 mere pariwar par aur khas taur par mujh par aur mere maa- baap par ek kaali chap chod di. Meri dadi jinhe hum sab bohot pyar karte the, guzar gayi. Mere papa se kisi ne Rs 2 lacs cheen liye. Fir lagbhag 6 mahine baad mere papa ko police ek jhoote case me pakad kar chali gayi. Vo ladki mujhe kaha karti thi ki vo mangleek hai aur main uske saath rahunga to barbaad ho jaunga. Humari ladaiya fir se shuru ho gayi. Uska behaviour bilkul change ho gaya. Vo mujhse dur jaane lagi. Itni saari pareshaniyo ke beech me uska yeh behaviour dekhkar main aur pareshan rehne laga. Mere papa ki bail hui aur zindgi me fir se rang laut aaye. Ab pahle jaisa kuch bhi nahi tha. Ghar me ek ankahi mayusi si rahti thi jaise kisi ne dil me teekhi talwar chala di ho. Hmme apna ghar bechna pada. Meri aur meri sis ki padhai, papa ke case ke lie, ghar ke liye hume paise ki jarurrat thi. Par humne kisi se udhar nahi maanga. Shayad teen mahino baad meri us ladki se baat hui aur fir pata chala ke uski sis ne usko mere baare me bhadkaya tha. Us se mera uski sis se baat karna pasand nahi tha par uski sis ne jaan bhujh kar mujhse baate ki, dosti ki aur fir dosti ka inaam diya. Inaam tha mera aur us ladki ka jhagra. Dhere dhere maine us ladki ko sari baat batayi aur apne dil ka haal sunaya aur vo maan gayi kyunki shayad abhi bhi uske dil me mere liye aur mere dil me uske liye viswas baaki tha. Us ladki ne mujhe bohot pyar diya.
Par ab meri zindgi me ek aur ladki aayi. Uska naam shweta gupta tha. Us se main ek cultural class me mila tha. Mere dil me uske liye koi feeling nahi thi par uske mann shayad kuch ho gaya. Usne mujhe propose kia aur maine mana kar diya. Vo ladki hath dhokar mere piche pad gayi. Maine apni girlfriend se es baare me baat ki aur us se bolna band kar diya. Par shayad kuch din baad hum fir se bol pade aur dost ban gaye. Es beech mujhe meri girlfriend ki social networking profile par kuch fake I-D’s dikhi aur maine eitraaz jataya. Bohot saari misunderstanding create ho gayi aur meri fir se apni girlfriend se ladai gayi. Main us par shak karne laga. Ab maine shweta se bolne bhi band kar diya. Maine bohot koshish ki situation ko sambhalne ki par shayad meri kismat me khush rahna nahi tha. Ladai aisi hui ki usne muhje ignore karna door kar diya. Main ladkiyo ki tarah rota tha. Sara din muh latka kar udaas rehne laga tha. Fir ek din maine apni sis ko apna dukh bataya aur sis ne mujhe us ladki se dur rahne ko kaha. Par uske pait me yeh baat nahi pachi aur usne raat ko ghar me sabko bata diya. Mere papa ne mujhe sambhala aur daanta bhi. Par meri aankho se aansu rukne ka naam nahi le rahe the. Fir mere papa ne jo kaha usne mera dil aur tod diya. “meetha sapna samjh kar bul ja usko. Tere se jada to vo ladki samajhdar hai, manglik ladki ki shadi to manglik ladke ke sath hi hoti hai.” Us din mujhe ehsas hua k mujhe pyar ho gaya tha. Zindgi me pehle baar pyar hua, sacha pyar aur vo bhi aisa. Maine ye baat apni girlfriend ko batayi aur usko laga ki maine uski badnami karva rakhi hai. Main bohot gaktiya ki, kabhi bhi usko khush nahi rakh paya. Uski khusi aur respect ki kadar nahi ki.aur dhere dhere baat karna kam ho gaya aur fir ek din, Jan 4,2011 ko band ho gaya………………………………………………………
Aaj bhi main usko bhul nahi paya hoon. Jab bhi uski yaad aati hai, bohot mayusi mehsus hoti hai. Maine ghar se bahar nikalana band kar diya. Par jab jab nikla usko cross kiya. Jab bhi vo mere samne aati dil ek dum ruk jata tha. Achanak aisa lagta tha jaise sab kuch band ho gaya ho. Filmo ki tarah zindgi ruk gayi ho. Main bata nahi sakta k main kaisa mehsus karta tha. Bas itna tha k jab tak hum dusre ko cross nahi kar dete the, tab tak mera dil aur dimag bas paralysed ho jata tha. Maine ab rona chod diya, sharab peena bhi chod diya aur koshish ki hai ke jaldi se jaldi apne pairo pe kahda ho jau aur paise kamana shuru ho jaye. Problems aaj bhi hain aur shayad pahle se badi hain apr ab darr nahi lagta. Aur sabse important baat, main aaj bhi us ladki ko dil se bohot pyar karta hoon. Ek wish hai meri. Main ek baar us se milna chata hoon aur usko apni galtiyo ke kiye sorry kena chahta hoon. Aur ye bhi dikhana chahata hu k main uski respect pehle se jada karne laga hoon. Uske sath bitaya hua time meri life ka sabse khobsurat aur kimti time hai. Aaj bhi jab vo pal yaad aate hain to sochta hoon ki kash main time me vapis ja saku aur apni galtiya sudhar saku aur us se jada payar de saku jo main nahi de paya. Aur shayad main us se kabhi milu hi na, aur na hi humari dosti ho na hi usko meri taraf se koi dukh mile. Main aaj bhi marta hoon uski yaad me par apni family ki responsibilities bhi saamajhne laga hoon. Main apna ek resolution banaya hai k agar uski shadi se pehle mein kamane lag gaya aur mera goal pura ho gaya to uske ghar shadi k proposal lekar jaunga nahi to kabhi bhi shadi nahi karunga par humesha apne parents ki dekh bhal karunga aur humesha us ladki se pyar karta rahunga. Vo mera pehla aur shayad aakhiri pyar hai. I love you Unni…..yours yashpal

(Screen) Name: Yashpal

Share

Comments

comments

Powered by Facebook Comments

Write a comment

SEO Powered by Platinum SEO from Techblissonline